旅行住酒店点防床虱?行李检查5步,唔好带床虱返屋企
点解旅行系床虱入屋头号途径?
床虱唔识飞唔识跳,但佢哋系「搭顺风车」高手——匿入行李箱、背囊、衫裤折位,就可以由酒店、民宿、飞机舱同你一齐返香港。近年欧美、日韩、东南亚多个旅游城市都爆发床虱潮,旅行带虱返屋企嘅个案明显增加。
最麻烦嘅系,带返嚟嘅可能只系一只有卵嘅雌虱,初期完全无感觉,等你发现被咬嘅时候,床虱已经喺屋企落地生根繁殖咗几代。所以预防重点喺旅途中,唔系返屋企之后。
入住酒店60秒快速检查法
入房之后,行李先放喺浴室(瓷砖面床虱难以匿藏),然后用电话灯照住检查:一、揭开床单床笠,检查床褥四边车边位,揾黑色墨点状粪渍同锈色血迹;二、检查床头板背面同接缝——呢度系酒店床虱最集中嘅位置。
三、检查床头柜抽屉同电话周围罅隙。全程大约一分钟。如果发现可疑黑点、虫壳或者活虫,即刻要求换房——而且要换到唔同楼层,因为床虱可以经墙身管道扩散到隔篱房同上下层。
旅途中嘅行李摆放禁忌
成个行程都唔好将行李箱放喺床上或者梳化上,亦都唔好将衫裤摆入酒店嘅木抽屉。最稳阵系用酒店嘅金属行李架,再将行李箱成程保持闩好,要攞嘢先开。
除低嘅衣物用胶袋或者压缩袋密封,唔好随手放喺床上凳上。呢啲习惯睇落麻烦,但同灭一次床虱嘅代价比较,绝对值得。
返到屋企嘅正确卸货程序
行李箱唔好直入睡房——最理想系喺门口或者浴室开箱。所有衣物(著过同无著过都系)直接入洗衣机,用60°C热水洗或者焗干机高温焗30分钟,高温系杀床虱同卵最可靠嘅方法。
唔可以高温处理嘅物品,可以密封入黑色胶袋放太阳底下曝晒几个钟,或者放入冰柜冷冻几日。行李箱本身用蒸气熨斗或者热风筒沿拉链同折位吹一次,再收埋之前检查清楚。
怀疑已经带咗返屋企?
如果旅行返嚟一两星期内开始发现成排红点咬痕、床单有血迹黑点,好可能床虱已经安咗家。呢个阶段千祈唔好自己喷杀虫水,以免将床虱迫散到全屋。
越早处理,范围越细费用越平。可以影低咬痕同床褥发现,WhatsApp 6039 7774传畀我哋免费初步判断。我们处理床虱用高温蒸气加残留药剂,配合多次上门跟进,喺卵孵化周期内截断繁殖。